Аргентинанинг «Бока Хуниорс» клуби спорт директори лавозимига янги масъул тайинланганини маълум қилди. Энди бу вазифани Марсело Дельгадо бажаради. Бу ҳақда euro-football.ru хабар беради.
Дельгадо клуб президенти Хуан Рикельме билан яқин ҳамкорликда ишлайди. «Бока Хуниорс» таркибни тез фурсатда кучайтиришга муҳтож, шу боис раҳбарият жамоани мустаҳкамлаш борасидаги ишларни айнан шу тандем орқали жадаллаштирмоқчи.
Янги спорт директорининг футболчилик фаолияти ҳам эътиборга молик: у Аргентина терма жамоасида 1995–2002 йилларда 18 та учрашувда майдонга тушган ва 1998 йилги жаҳон чемпионатида ҳам қатнашган.
Дельгадо 2003 йилда Либертадорес кубогида энг кўп гол урган футболчилардан бири бўлган. У бу кўрсаткич бўйича Бразилиянинг «Сантос» клуби ҳужумчиси Рикардо Оливейра билан биринчи ўринни бўлишиб олган.
“Zamin”ни Telegram'да ўқинг!
