Италиянинг «Интер» клубида тўп сурган собиқ ҳужумчи Алдо Серена жорий мавсумда «нерадзуррилар»нинг асосий рақиби бўлиб турган «Милан» имкониятларини юқори баҳолади. Унинг фикрича, Массимилиано Аллегри бошчилигидаги жамоа ҳозирча рақибидан беш очко кўпроқ йўқотганига қарамай, чемпионлик пойгасида охирги тургача кураш олиб боради. Бу ҳақда euro-football.ru хабар беради.
Серенанинг таъкидлашича, «Милан»нинг пойгада қолаётганига сабаблар бор: «Интер» Европа Чемпионлар лигасида ҳам ўйнайди ва бу турнир кўп куч ҳамда энергия талаб қилади. У ҳатто чемпионлик учун баҳсда «Милан»ни фаворит сифатида ҳам кўраётганини билдирди, дея келтиради pianetamilan.it.
Март ойи бошида «Милан» ва «Интер» ўзаро дербида майдонга тушади. Учрашув 8-март куни бўлиб ўтиши режалаштирилган.
“Zamin”ни Telegram'да ўқинг!
