Аргентина гранди «Бока Хуниорс» клубида спорт директори лавозимига Марсело Делгадо тайинлангани расман маълум қилинди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини зудлик билан кучайтириш зарурати бор, шу боис Делгадо ва Рикелме трансферлар ҳамда селекция йўналишида тезкор қарорлар устида ишлаши кутилмоқда.
Делгадо футболчилик фаолиятида ҳам танилган: у Аргентина терма жамоасида 1995–2002 йилларда 18 учрашув ўтказган, 1998 йилги жаҳон чемпионатида ҳам майдонга тушган.
Шунингдек, 2003 йилда у Либертадорес кубогининг энг яхши тўпурари бўлган — «Сантос» ҳужумчиси Рикардо Оливейра билан бирга мусобақада энг кўп гол урган футболчи сифатида қайд этилган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
