«Антальяспор» ҳимоячиси Георгий Джикия Туркиядаги жамоасида вазият қандай кечаётгани борасидаги саволларга жавоб қайтарди. 32 ёшли футболчининг сўзлари акс этган видеони «FNL s Il'yevym» телеграм-канали улашди. Бу ҳақда euro-football.ru хабар беради.
Джикиядан клубдаги ишлари қандайлиги сўралганда, у «ҳаммаси яхши» дея қисқа жавоб берди. Туркиядаги шароитлар ҳам уни тўлиқ қониқтираётганини футболчи табассум билан тасдиқлади.
Эслатиб ўтамиз, Джикия ўтган ёзда «Антальяспор» сафига қўшилган. Шу вақт ичида у 13 та ўйинда майдонга тушиб, 2 та гол муаллифига айланган.
Ҳозир «Антальяспор» Туркия Суперлигаси турнир жадвалида 14-ўринда бормоқда. Жамоа навбатдаги учрашувини 13 февраль куни ўз майдонида «Самсунспор»га қарши ўтказади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
