Бильбао «Атлетик»ининг етакчи вингери Нико Уильямс ҳафта охирида «Реал Овьедо»га қарши ўйинда майдонга тушмади. Клуб расмий хабарига кўра, футболчи яқин учрашувларда ҳам жамоага ёрдам бера олмайди. Бу ҳақда euro-football.ru хабар беради.
«Атлетик» баёнотида Уильямс пубалгия муаммоси туфайли ташқи мутахассис назоратида даволанишни бошлагани қайд этилди. У махсус дастур асосида тикланади, қайтиш муддати эса соғайиш динамикасига боғлиқ бўлиб, ҳозирча аниқ саналар айтилмаган.
Аввалроқ матбуот Никонинг ноқулайлик билан ўйнаётгани ҳақида ёзганди. Жорий мавсумда у барча мусобақаларда 26 та расмий ўйинда қатнашиб, 4 та гол урди ва 6 та голга ассист қайд этди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
