Аргентина гранди «Бока Хуниорс» клубида спорт директори лавозимига Марсело Делгадо тайинланганини расман маълум қилди. У клуб президенти Хуан Рикельме билан яқин ҳамкорликда ишлайди. Бу ҳақда euro-football.ru хабар беради.
Клуб таркибни тез фурсатда кучайтиришга муҳтож экани таъкидланмоқда. Шу сабаб Делгадо ва Рикельме дуэти трансферлар ҳамда жамоани янгилаш масалаларида зудлик билан ишга киришиши кутилмоқда.
Марсело Делгадо футболчилик фаолиятида ҳам юқори даражада ўйнаган: у 1995–2002 йилларда Аргентина терма жамоасида 18 та учрашувда майдонга тушган, жумладан 1998 йилги жаҳон чемпионатида ҳам қатнашган.
Шунингдек, Делгадо 2003 йилда Либертадорес кубогининг энг яхши тўпурари бўлган. У бу кўрсаткични «Сантос» ҳужумчиси Рикардо Оливейра билан бирга қайд этган.
“Zamin”ни Telegram'да ўқинг!
