Аргентинанинг «Бока Хуниорс» клуби спорт директори лавозимига Марсело Делгадони тайинлаганини расман эълон қилди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Клуб таркибини тез фурсатда кучайтириш зарурати борлиги таъкидланмоқда. Шу боис Делгадо ва Рикелме тандемининг асосий вазифаси — жамоага керакли қўшимча кучларни топиш ва трансфер сиёситини самарали йўлга қўйиш.
Марсело Делгадо футболчилик фаолиятида ҳам ном қозонган: у 1995–2002 йиллар оралиғида Аргентина терма жамоаси сафида 18 учрашув ўтказган ва 1998 йилги жаҳон чемпионатида ҳам иштирок этган.
Делгадо 2003 йилда Либертадорес кубогида энг яхши тўпурар бўлган. У бу кўрсаткични Бразилиянинг «Сантос» клуби ҳужумчиси Рикардо Оливейра билан бўлишиб олган.
“Zamin”ни Telegram'да ўқинг!
