Россия футболининг собиқ юлдузи Александр Мостовой март ойида Россия ва Мали терма жамоалари ўртасида бўлиши мумкин бўлган ўйин ҳақида фикр билдирди. Бу ҳақда euro-football.ru хабар беради.
Россия футбол иттифоқи (РФИ) ҳозирча Мали билан учрашув расман тасдиқланганини эълон қилгани йўқ. Бироқ Мали футбол федерацияси вакиллари томонлар келишувга эришганини айтган. Маълумотларга кўра, баҳс Краснодарда 27 март, жума куни бўлиб ўтади.
Мостовой рақиблар даражаси ошиб бораётганини ижобий баҳолаб, кучли жамоалар билан ўйнаш фойдали эканини таъкидлади. Унинг айтишича, Нигерия, Перу ва Чили каби рақиблардан кейин энди Мали билан тўқнаш келиш ҳам шундан далолат беради. Шунингдек, у хулосага шошилмаслик, аввало асосий футболчилардан кимлар йиғинга келишини кўриш кераклигини қўшимча қилди.
Россия терма жамоаси сўнгги йиғинни ноябр ойида ўтказган: Валерий Карпин шогирдлари Перу билан 1:1 ҳисобида дуранг ўйнаб, Чилига 0:2 ҳисобида ютқазганди. Санкциялар сабаб Россия терма жамоаси расмий халқаро турнирларда иштирок этмаяпти.
“Zamin”ни Telegram'да ўқинг!
