Аргентина гранди «Бока Хуниорс» клубида спорт директори лавозимига Марсело Делгадо тайинланди. Клуб маълумотига кўра, у жамоа президенти Хуан Рикельме билан яқин ҳамкорликда ишлайди. Бу ҳақда euro-football.ru хабар беради.
«Бока Хуниорс» таркибни тезкор кучайтиришга муҳтож ва янги раҳбарият олдида трансфер ҳамда жамоани мустаҳкамлаш бўйича долзарб вазифалар турибди.
Делгадо футболчи сифатида ҳам катта тажрибага эга: у 1995–2002 йилларда Аргентина терма жамоаси сафида 18 та учрашув ўтказган ва 1998 йилги Жаҳон чемпионатида ҳам иштирок этган.
Шунингдек, 2003 йилда Делгадо Либертадорес Кубоги тўпурари бўлган — у бу совринни «Сантос» ҳужумчиси бразилиялик Рикардо Оливейра билан бирга қўлга киритган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
