2009 йил октябрида Қозоннинг «Рубин» клуби Чемпионлар лигасида катта шов-шув кўтарган эди: жамоа «Камп Ноу»да «Барселона»ни 2:1 ҳисобида мағлуб этди. Ўша учрашувда ўйнаган собиқ ярим ҳимоячи Кристиан Нобоа ўша ғалаба учун берилган мукофот пулларини эслади. Бу ҳақда euro-football.ru хабар беради.
Нобоанинг айтишича, бу унинг футболчилик фаолиятидаги энг йирик премияси бўлган. «Ҳар бир футболчи 80 минг доллар олган», — дея унинг сўзларини «Спорт-Экспресс» келтиради.
Эквадорлик футболчи бу маблағни дарров сарфлаб юбормаганини, аксинча жамғариб қўйганини таъкидлади — ўшанда ҳам анча вазмин йигит бўлганини айтди.
Эслатиб ўтамиз, 2009/2010 йилги мавсум Чемпионлар лигаси гуруҳ босқичида «Рубин» ўз квартетида учинчи ўринни эгаллаган. Гуруҳда «Барселона» ва «Интер» юқорироқ поғоналарни банд этган, Киевнинг «Динамо»си эса охирги ўринда қолган.
“Zamin”ни Telegram'да ўқинг!
