Қатар футбол ассоциацияси мамлакатда барча футбол ўйинлари ва мусобақаларини тўхтатганини маълум қилди. Қачон қайта бошланиши ҳозирча айтилмади — турнирлар кейинги хабаргача бекор қилинган. Бу ҳақда euro-football.ru хабар беради.
Вазият фонида Finalissima учрашувини бошқа жойга кўчириш эҳтимоли ҳам пайдо бўлди. Аргентина ва Испания терма жамоалари март ойи охирида соврин учун айнан Қатарда майдонга тушиши керак эди.
Аввалроқ АҚШ Эрон ҳудудига қарши ҳарбий амалиёт бошланганини эълон қилганди. Тўқнашувлар бир қатор давлатларга, жумладан Қатарга ҳам таъсир қилгани айтилмоқда. Минтақада хавфсизлик билан боғлиқ вазият оғирлашгани сабаб футбол учрашувларини ўтказиш имкони йўқ.
Ёзда эса АҚШ, Канада ва Мексика жаҳон чемпионатига мезбонлик қилади. Умид шуки, ўша пайтга бориб дунё бўйлаб вазият барқарорлашади.
“Zamin”ни Telegram'да ўқинг!
