AQSh prezidenti Donald Tramp Rossiya rahbari Vladimir Putin Ukrainadagi urushni tugatishni istashi noma’lum ekanini aytdi. Unga ko‘ra, agar Putin kelishuvdan bosh tortsa, bu Rossiya uchun “og‘ir vaziyat” keltirib chiqaradi.
Oq uyda o‘tkazilgan uchrashuvda Tramp va Ukraina prezidenti Vladimir Zelenskiy tinchlik bo‘yicha muzokaralar o‘tkazdi. Zelenskiy bu uchrashuvni “tinchlik sari muhim qadam” deb baholadi. Sammitda Germaniya, Fransiya va Britaniya rahbarlari ham qatnashdi.
Shu bilan birga, Rossiya hujumlarni davom ettirmoqda. Ukraina harbiylari ma’lum qilishicha, Rossiya o‘tgan kechada 270 dron va 10 raketa uchirgan. Poltava viloyatida joylashgan neftni qayta ishlash zavodida katta yong‘in yuz bergan.
Ukraina rasmiysi Rossiya 1 ming nafar halok bo‘lgan ukrainalik askarning jasadini qaytarganini bildirdi. O‘z navbatida, Ukraina Rossiyaga 19 askar jasadini topshirdi.
Ekspertlar Trampning xavfsizlik kafolatlari bo‘yicha pozitsiyasi aniq emasligini ta’kidlashmoqda. Rossiya esa NATO qo‘shinlarining Ukrainada joylashishiga keskin qarshi chiqmoqda. Mutaxassislar fikricha, tomonlar hozircha Trampni tinchlikka to‘sqinlik qiluvchi tomon sifatida ko‘rsatmaslikka urinmoqda.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
