Yakshanba kuni Floridada noodatiy voqea yuz berdi. Donald Trampning Mar-a-Lago rezidensiyasidan Palm-Bich xalqaro aeroportiga yo‘l olayotgan prezident korteji davomida qiziq holat kuzatildi.
Guvohlar tomonidan olingan suratlarda "The Beast" ("Yirtqich") deb nomlanuvchi Cadillac zirhli avtomobili ochiq yukxona bilan harakatlanayotgani aks etgan. Bu vaqtda Donald Tramp avtomobilning orqa o‘rindig‘ida bo‘lgan.
Ushbu surat ijtimoiy tarmoqlarda tez tarqalib, mexanik nosozlik yoki xavfsizlik protokoli buzilgan bo‘lishi mumkinligi haqida ko‘plab taxminlarni keltirib chiqardi. Keyinchalik AQSh Maxfiy xizmati hodisaga izoh berib, bu mexanik nosozlik bo‘lganini va muammo hal qilinganini ma’lum qildi.
"Harakat davomida hech qanday narsaga zarar yetmagan va hech narsa yo‘qotilmagan," deyiladi idora bayonotida. Prezident limuzini "The Beast" dunyodagi eng xavfsiz avtomobillardan biri hisoblanadi.
Uning og‘irligi 9 tonnaga yaqin bo‘lib, 20 sm qalinlikdagi zirh bilan himoyalangan. Shuningdek, avtomobil kimyoviy va biologik qurollardan himoya tizimlari bilan jihozlangan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
