"Tottenhem" markaziy himoyachisi Mikki van de Ven yakunlanayotgan yil natijalarini sarhisob qildi va kelayotgan mavsum oldidan jamoa oldidagi vazifalar haqida fikr bildirdi. Bu haqda euro-football.ru xabar beradi.
London klubi uchun 2025 yil voqealarga boy bo'ldi: "shporlar" o‘tgan APL mavsumini 17-o‘rinda yakunladi, biroq Yevropa Ligasida chempionlikni qo‘lga kiritdi. Oraliq tanaffusda bosh murabbiy Ange Postekoglu ishdan olindi, Tomas Frank qo‘l ostida esa barqarorlik hanuz topilmadi — 18 turdan keyin jamoa APLda 11-pog'onada bormoqda.
Van de Ven Sky Sports’ga bergan intervyusida 2026 yilda "Tottenhem" eng avvalo o‘yin va natijalarda izchillikni kuchaytirishi kerakligini ta’kidladi: jamoa juda ko‘p marta keskin ko‘tarilish va pasayishlarni boshdan kechirmoqda. Uning aytishicha, asosiy maqsad — yana yevrokuboklar yo‘llanmasini qo‘lga kiritish, chunki "Tottenhem" u yerda o‘ynashi shart. Shuningdek, jamoa Angliya Kubog‘i uchun ham kurashadi va Chempionlar ligasidagi ishtirokini davom ettirmoqda.
1 yanvar kuni "shporlar" safarda "Brentford"ga qarshi maydonga tushadi.
“Zamin”ni Telegramʻda oʻqing!
