2025-yilning uchinchi choragida O‘zbekiston fuqarolarining Rossiyaga tashriflari soni 711 mingni tashkil etdi. Bu ko‘rsatkich Rossiyani chet el fuqarolari orasida tashrif buyurish bo‘yicha ikkinchi o‘ringa qo‘ydi.
Bu haqda "Kommersant" xabar berdi. Taqqoslash uchun, o‘tgan yilning ayni davrida o‘zbekistonliklarning tashriflari 836 mingni tashkil qilgan edi.
O‘zbekistonliklarning tashrif maqsadlari orasida eng ko‘p ko‘rsatilgani ish bo‘lib, bu 413 mingni tashkil etdi. Rossiyaga eng ko‘p tashrif buyurganlar Qozog‘iston fuqarolari bo‘lib, ular 975 ming marta tashrif qilgan.
Uchinchi o‘rinni Xitoy fuqarolari egallab, 631 ming marta Rossiyaga borgan. Qozog‘istonliklar asosan "shaxsiy tashrif" maqsadini ko‘rsatgan.
Joriy yilning to‘qqiz oyi davomida Rossiyaga 12,2 million chet el fuqarosi kirgan bo‘lsa, o‘tgan yilning shu davrida bu ko‘rsatkich 13 millionni tashkil qilgan. Migrantlarga yordam markazi rahbari Vadim Kojenovning ta'kidlashicha, Rossiyada migratsion qoidalar qat'iylashgani statistikaga ta'sir ko‘rsatmoqda.
Masalan, 2025-yil yanvaridan boshlab vizasiz mamlakatlar fuqarolari Rossiyada faqat bir yilda 90 kun qolishlari mumkin, ilgari esa ular bir yilning har olti oyida 90 kun qolish huquqiga ega edi. "Avval bu chet elliklar yiliga ikki marta Rossiyaga kelib (mavsumiy ishlar uchun) ishlashardi, endi esa faqat bir marta kelishlari mumkin.
Shu sababli ko‘pchilik patent sotib olmoqda, bu ko‘rsatkich aslida oshgan", — dedi Kojenov. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
