22:55 / 06.06.2023

Uyda ish haqida o‘ylamaslikka yordam beradigan 5 ta maslahat

^{Foto: The Voice}

Uyda ham ish haqida o‘ylaysizmi? Bu sog‘lig‘ingizga jiddiy zarar yetkazishi haqida o‘ylab ko‘rganmisiz? Quyida uyda ish haqida o‘ylamaslikka yordam beradigan maslahatlar keltiriladi.

Texnologik va madaniy taraqqiyot hayotimizni osonlashtiradi va bizga yangi imkoniyatlar beradi, biroq uning salbiy tomoni ham bor. Turli kompaniyalar o‘rtasidagi raqobat kuchayib bormoqda, xodimlardan ko‘proq daromad talab etilmoqda. Texnologiya esa insonlar ofisni tark etganidan keyin ham soatlab ishlashni davom ettirish imkonini beradi.

Ko‘pchilik uchun bu odatiy holga o‘xshaydi. Ish kuni tugaydi, biroq hal qilinmagan muammolar tugamaydi, shuning uchun kechki ovqatdan keyin noutbukni yoqish va yana bir necha soat ishlash mantiqan to‘g‘ri variantga aylanadi. Biroq, tadqiqotlar shuni ko‘rsatadiki, jismoniy va ruhiy salomatlikni saqlash uchun shaxsiy hayot va ish o‘rtasidagi muvozanatni tuta bilish zarur.

Ishdan qanday qilib “ajralishni” bilmagan insonlar uyqusizlikdan azob chekadi, bu esa ko‘plab muammolarga, shu jumladan erta o‘limga olib kelishi mumkin.

Ortiqcha ishlash depressiya xavfini ham oshiradi. Uy yumushlaridan bo‘shamaslik va yaqinlar bilan ko‘rishishga vaqt ajratmaslik stressni keltirib chiqaradi. Ish samaradorligi kamayadi va keskinlik kuchayadi. Natijada, klinik depressiya rivojlanadi. Shundan keyin samaraliroq ishlash istagi tufayli xodim nafaqat unumdorligini yo‘qotadi, balki sog‘lig‘iga ham jiddiy putur yetkazadi.

Oldindan rejalashtirish

Ish vaqtidan tashqari ishlashga to‘g‘ri kelishi mumkin, chunki ofisda siz ko‘p vaqt va kuchingizni ikkilamchi vazifalar va kichik narsalarga sarflaysiz. Buning oldini olish uchun kunni oldindan rejalashtirish mantiqan to‘g‘ri bo‘ladi.

Eng muhim vazifalarni tanlang va ularni kunning boshida bajarishga harakat qiling. Yodda tuting, inson kuniga davomiyligi o‘rtacha 2-4 soatdan ko‘p bo‘lmagan ish bilan shug‘ullanishi mumkin.

Rejalashtirish hayotingizni osonlashtirishga imkon beradi, chunki barcha vazifalarni doim o‘ylab yurishingiz shart bo‘lmaydi. Asosiysi, jadvalga rioya qilish va tayinlangan vazifalardan tashqari narsalarni qo‘shmaslik, aks holda bu harakatlarning barchasi o‘zgarib ketadi va siz qayta ishlashni boshlashingiz kerak bo‘ladi.

Mas’uliyatni topshirish

Ko‘plab insonlar vazifalarni vaqtida topshirish kerak, deb hisoblaydi. Shunday bo‘lsa ham, vaqtingiz bo‘lmagan vazifalarni boshqa insonlarga topshirish sog‘liq va mahsuldorlik uchun juda foydali. Siz hamkasblaringizga o‘zlarini namoyish etish imkoniyatini berasiz va shu bilan birga uyda ish haqida o‘ylamaysiz.

Ustuvorlikni belgilash

Agar yaqinlaringiz bilan vaqt o‘tkazishni rejalashtirib, bunga vaqt topa olmayotgan bo‘lsangiz siz noto‘g‘ri ustuvorliklarga egasiz. Siz uchun nima muhimroq ekanini o‘ylab ko‘ring: bir kun ichida imkon qadar ko‘proq ishdagi vazifalarini bajarishmi yoki oila a’zolaringiz va do‘stlaringiz bilan vaqt o‘tkazish zarurmi?

Agar birinchi variantni tanlagan bo‘lsangiz, yaqinlaringiz bilan vaqt o‘tkazmaganingiz uchun o‘zingizni ayblashni bas qiling. Agar ikkinchisi bo‘lsa, qo‘shimcha ish qilishni to‘xtating. Yaxshi variant — qulayroq jadval tuzish. Sizni qadrlaydigan rahbar albatta bunga rozi bo‘ladi.

Gadjetlarni o‘chirib qo‘ying

Mantiqan o‘ylab qaraganda to‘g‘ri maslahat: ishdan so‘ng turli xil ishga aloqasi bo‘lgan ilovalarni, ijtimoiy tarmoqlar yoki gadjetlarning bildirishnomalarni ham o‘chirib qo‘ying. Yana bir variant — xabarlar va qo‘ng‘iroqlarni e’tiborsiz qoldirish.

Mulohaza yuritish

Ushbu maslahat intuitiv bo‘lib tuyulishi mumkin, biroq bu qayta ishlash bilan bog‘liq ko‘plab muammolarni hal qilishi mumkin. Band bo‘lishingiz va ish bilan shug‘ullanishingiz faqat shu tarzda biror narsani qoplashga yoki qandaydir qo‘rquvni bostirishga harakat qilganingiz uchun paydo bo‘lishi imkoniyati mavjud.

O‘zingizga ishonmaysiz va doimo muvaffaqiyatsizlikdan qo‘rqasiz yoki ishingiz sizga beradigan ijtimoiy mavqeni yo‘qotishni xohlamaysiz.

Ishga bo‘lgan bu nosog‘lom ishtiyoq sizga nima berishini biling. Agar kerak bo‘lsa, psixoterapevtga murojaat qiling. Agar bu muammodan xalos bo‘lmasangiz, unda bu kuchayib, yomon oqibatlarga olib kelishi mumkin.