Qozog‘iston Musulmonlari diniy boshqarmasi (QMDB) 2026 yildagi asosiy diniy sana va bayramlar taqvimini ma’lum qildi, deb xabar berdi Tengrinews.kz. Ma’lumotga ko‘ra, muqaddas Ramazon oyi kelgusi yil 19 fevral kuni boshlanishi kutilmoqda.
Ramazon musulmonlar uchun eng muqaddas oylardan biri bo‘lib, ro‘za tutish, ibodat qilish va xayr-ehsonlar orqali ruhiy poklanish davri hisoblanadi. Qamariy taqvimga ko‘ra, oy 29 yoki 30 kun davom etadi. 2026 yilda Ramazon 20 martdagi Ramazon hayiti bilan yakunlanadi.
QMDB taqvimiga binoan, Qadr kechasi 16–17 mart kunlariga to‘g‘ri keladi, Ramazon hayiti 20 martda, Qurbon hayiti esa 29 mayda nishonlanadi.
Diniy boshqarma ta’kidlashicha, bu sanalar xalqaro astronomik markazlar hisoblariga asoslanib belgilangan. Biroq yangi oy ko‘rinishiga qarab, sana bir necha kunga o‘zgarishi ehtimoli ham mavjud.
O‘zbekistonda esa diniy oylar va bayramlar sanasi Musulmonlar idorasi tomonidan hilol kuzatuviga qarab aniqlanadi. Shu sababli, Qozog‘iston e’lon qilgan taqvim o‘zbek taqvimidan farq qilishi mumkin.
“Zamin”ni Telegramʻda oʻqing!
