Qo‘qonda alimentdan qochgan ota yerto‘ladan topildi
Qo'qon shahrida aliment to'lashdan bo'yin tovlagan ota mahalladagi uy podvalida yashiringan holda topildi. U podvalga gaz ulash uchun tushganini aytib, o'zini oqlashga uringan. Sud qaroriga ko'ra, ota aliment majburiyatini bajarmagani uchun 15 sutkaga ma'muriy qamoqqa hukm qilindi, ijro organlari esa qarzni to'liq undirish choralarini ko'rmoqda.
Farg‘ona viloyatining Qo‘qon shahrida aliment to‘lashdan bo‘yin tovlab, bir necha vaqtdan beri qochib yurgan ota kutilmaganda yerto‘ladan topildi, deb xabar berdi Repost.uz.
Ma’lumotlarga ko‘ra, qarzdor ota mahalladagi uy podvalida yashirin holda bo‘lgan. U o‘zini oqlash uchun “podvalga gaz ulash uchun tushganman”, deb bahona qilgan.
Davlat ijrochilari uni topgach, tegishli hujjatlarni sudga taqdim etishgan. Sud qaroriga ko‘ra, aliment majburiyatini bajarmasdan qochib yurgan ota 15 sutkaga ma’muriy qamoq jazosiga hukm qilindi.
Hozirda ijro organlari qarzdorning qarz miqdorini to‘liq undirish choralarini ko‘rmoqda.
Izohlar 0
…