O‘zbekistonda aholi soni bo‘yicha yangi reyting e’lon qilindi, deb xabar berdi Milliy statistika qo‘mitasi.
Ma’lumotlarga ko‘ra, mamlakatda aholi jihatidan eng katta hudud — Samarqand viloyati hisoblanadi. Bu yerda 4,3 milliondan ortiq kishi istiqomat qiladi.
Farg‘ona viloyati 4,2 million aholisi bilan ikkinchi o‘rinda tursa, Qashqadaryo viloyati qariyb 3,7 million kishi bilan uchinchi pog‘onadan joy olgan.
Aholi soni bo‘yicha ilk beshlikni Andijon (3,5 mln) va Toshkent shahri (3,1 mln dan ortiq) to‘ldirmoqda.
Namangan hamda Toshkent viloyatlarida aholi soni har birida 3,1 million atrofida bo‘lib, ular beshlikdan keyingi o‘rinlarni egallagan.
Eng kam aholiga ega hududlar sifatida Sirdaryo viloyati (942 ming kishi) va Navoiy viloyati (1,1 million kishi) qayd etilgan.
Qolgan hududlar orasida Qoraqalpog‘iston Respublikasi, Buxoro va Xorazm viloyatlarida aholi soni taxminan 2 million atrofida.
Mutaxassislar fikricha, aholi sonining o‘sishi shahar infratuzilmasini rivojlantirish, ish o‘rinlari va ijtimoiy xizmatlar talabini yanada oshirmoqda.
“Zamin”ni Telegramʻda oʻqing!
