Oʻzbekistonda 2026 yildan boshlab mahallalar infratuzilmasini rivojlantirish uchun 3,4 trln soʻm miqdoridagi nobyudjet jamgʻarmalari mablagʻlari yoʻnaltiriladi. Adliya vazirligi bu haqda davlat rahbari qaroriga tayanib xabar berdi. Dastur 2028 yilgacha moʻljallangan. Bu haqda kursiv.uz xabar beradi.
Ajratiladigan mablagʻlar mahallalarda qurilish ishlari, rekonstruksiya hamda modernizatsiyani amalga oshirishga sarflanadi. Hujjatda loyihalash va qurilish jarayonlarida “yashil” texnologiyalarni joriy etish, shuningdek yangi obyektlarning energiya samaradorligini oshirish ustuvor yoʻnalish sifatida belgilangan.
2026 yil 1 yanvardan boshlab byudjet tashkilotlarining qiymati 6 000 BHMdan yuqori boʻlgan, nobyudjet manbalari hisobidan moliyalashtiriladigan barcha qurilish va taʼmirlash loyihalari faqat 2028 yilgacha moʻljallangan ushbu dastur doirasida amalga oshiriladi.
Kasbiy taʼlim tizimiga ham alohida eʼtibor qaratilgan: texnikumlar binolarini qurish, rekonstruksiya qilish, kapital taʼmirlash va obodonlashtirish ishlari uchun 150 mlrd soʻm ajratish rejalashtirilgan.
Dastur loyihalarga qoʻyiladigan majburiy talablarni ham belgilaydi. Energiya tejamkor yechimlar, qayta tiklanuvchi energiya manbalaridan foydalanish va ekologik toza qurilish materiallari nazarda tutilmagan hujjatlar ekspertizaga kiritilmaydi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
