«Metallurg» o‘z maydonida «Mash’al»ga yengildi, «Qo‘qon-1912» va «So‘g‘diyona»da g‘alaba

Futbol bo‘yicha O‘zbekiston Superligasining 16-turidan o‘rin olgan uch o‘yin 25 avgust, chorshanba kuni bo‘lib o‘tdi.

«Qo‘qon-1912» hamda «Surxon» jamoalari o‘rtasidagi o‘yinda qo‘qonliklar 2:0 hisobidagi g‘alabani qo‘lga kiritdi. 15-daqiqada Ivan Yosovich jamoasini oldinga olib chiqqan bo‘lsa, 43-daqiqada Sardorbek Azimov hisobni 2:0 ko‘rinishiga olib keldi.

Ushbu g‘alabadan keyin qo‘qonliklar ochkolari sonini 17 taga yetkazgan holda 9-o‘ringa ko‘taralib oldi. «Surxon» esa 14 ochko bilan 11-pog‘onadan o‘rin olgan.

«So‘g‘diyona» va «Qizilqum» o‘rtasidagi bahs 2:1 hisobida yakunlandi. Daniel Nasriddinov 38-daqiqada mezbonlarni hisobda oldinga olib chiqdi, 65-daqiqa esa Luka Chermel oradagi farqni oshirdi. Qo‘shib berilgan daqiqalarda Elguja Grigalashvili penaltidan unumli foydalana olmadi, biroq qaytgan to‘pni o‘zi darvozaga joylab qo‘ydi.

Bu natijadan keyin «So‘g‘diyona» 30 ochko bilan 2-o‘ringa ko‘tarilgan bo‘lsa, «Qizilqum» 25 ochko jamg‘arib, 4-o‘rinni band etib turibdi.

«Metallurg» «Mash’al»ni mehmon qildi. Uchrashuvda muborakliklar Oybek Nurmatov va Shahzod Shaymanovning gollariga evaziga g‘alabani qo‘lga kiritdi. «Metallurg» 16 ochko bilan 11-o‘rinda bormoqda. «Mash’al» esa g‘alabadan so‘ng ochkolari sonini 16 taga yetkazdi va 10-o‘ringa ko‘tarilib oldi.

«Qo‘qon-1912» — «Surxon» 2:0
Gollar: 1:0 — 15 Yosovich, 2:0 — 43 Azimov
«Qo‘qon-1912»: 96. Islomjon Abdullayev, 5. Slavko Lukich, 11. Mo‘minjon Meliyev (18. Anvarjon Hojimirzaev, 55), 13. Sardorbek Azimov (19. Suhrob Berdiyev, 64), 15. Oybek Rustamov, 20. Iqboljon Malikjonov, 22. Muhammadanas Hasanov (7. Asadbek Sobirjonov, 55), 23. Aleksandr Merzlyakov, 33. Ivan Yosovich, 70. Murod Xolmuhammedov, 99. Andrey Sidorov (10. Shohnazar Norbekov, 75).
«Surxon»: 12. Rustam Nortojiyev, 2. Murod To‘ychiboyev (66. Behruz Shaydulov, 86), 4. Javohir Sohibov (99. Kamron Saidazimov, 62), 5. Jasurbek Yoqubov, 6. Alisher Salimov, 11. Zohir Pirimov (10. Murodbek Bobojonov 46), 14. Jasur Xolto‘rayev, 19. Nuriddin Hasanov, 20. Husniddin G‘ofurov, 77. Asror G‘ofurov (7. Islomjon Toshpo‘latov, 46), 80. Nikita Pavlenko (9. Nizomjon Norov, 62).
Ogohlantirish: Norbekov (87).

«So‘g‘diyona» — «Qizilqum» 2:1
Gollar: 1:0 — 38 Nasriddinov, 2:0 — 64 Chermel, 2:1 — 90+2 Grigalashvili
«So‘g‘diyona»: 27. Milan Mitrovich, 2. Sardor Qulmatov, 5. Ayubxon No‘manov, 6. Iskandar Shoyqulov, 10. Shohruz Norxonov, 11. Jasur Hasanov, 14. Daniel Nasriddinov, 17. Shahboz Jo‘rabekov, 19. Javohir Qahramonov (15. Jasur Hakimov, 63), 31. Luka Chermel, 93. Marko Kolakovich.
«Qizilqum»: 1. Ignatiy Nesterov, 6. Erkin Baydullayev, 7. Islom Kenjaboev, 8. Giorgi Kuxianidze, 10. Mate Vatsadze, 17. Salim Mustafoev, 18. Jasur Azimov, 19. Jamshid Hasanov (32. Ilhomjon Kenjayev, 68), 21. Muhsin Ubaydullayev, 25. Azizbek Usmonov, 30. Elguja Grigalashvili.
Ogohlantirish: Nomanov (15).

«Metallurg» — «Mash’al» 1:2
Gollar: 0:1 — 6 Ononivu, 1:1 — 56 Nurmatov, 1:2 — 78 Shaymanov
«Metallurg»: 12. Aleksandr Lobanov, 4. Odilbek Abdumajidov, 8. Salamat Qutiboyev, 10. Shahzodbek Nurmatov, 22. Shahzodbek G‘ofurbekov, 28. Stanislav Andreyev, 30. Ibrohim Ibragimov, 48. Dilshod Rahmatullayev, 55. Akbarjon Ismatullayev, 80. Farrux Ibrohimov (11. Ivan Nagaev, 69), 98. Damir Temirov.
«Mashal»: 12. Shohruxjon Eshbo‘tayev, 7. Ifeanyi Ifeanyi, 8. Ibek Okorov (20. Xudoyorxon Sa’dullayev, 75), 9. Oybek Nurmatov (13. Shahzod Shaymanov, 75), 10. Chika Okvara, 11. Samyuel Ononivu, 15. Muhammadali Aliqulov, 17. Jamoliddin Ubaydullayev, 19. Qahramon Bahodirov, 27. Muhammad Yo‘ldoshev, 33. Sirojiddin Allayev.
Ogohlantirishlar: Okoro (30), Okvara (34), Qutiboyev (34), Ifeani (46). “Zamin” yangiliklarini “Twitter”da kuzatib boring