Ўзгидромет 19 декабрь куни учун мамлакат бўйлаб об-ҳаво прогнозини эълон қилди. Унга кўра, аксарият ҳудудларда ҳаво ўзгарувчан бўлиб, айрим жойларда қор ва ёмғир кузатилиши мумкин.
Тошкент шаҳрида кечаси ва эрталаб енгил қор ёғиши, туман тушиши эҳтимоли бор. Кундузи ёғингарчилик кутилмайди, аммо айрим йўл участкаларида яхмалак пайдо бўлиши мумкин. Ҳарорат кечаси 0–2 даража совуқ, кундузи 1–3 даража илиқ атрофида бўлади.
Қорақалпоғистон ва Хоразмда ёғингарчилик кутилмайди, бироқ туман тушиши мумкин. Устюртда совуқ кучайиб, айрим жойларда ҳарорат 15–18 даражагача пасаяди.
Бухоро ва Навоий вилоятларида ҳам ҳаво асосан қуруқ бўлади. Кечаси совуқ, кундузи эса бироз илиқ об-ҳаво сақланади.
Тошкент, Сирдарё, Самарқанд ва Жиззах вилоятларида кечаси ва тонгда баъзи жойларда енгил қор ёғиши мумкин. Кундузи эса ёғингарчилик кутилмайди.
Қашқадарё ва Сурхондарёда кун охирига яқин ёмғир ёғиб, айрим ҳудудларда қорга айланиши мумкин. Фарғона водийси вилоятларида эса кечаси ёмғир ва қор кузатилиб, кундузи ҳаво нисбатан барқарор бўлади.
Тоğли ҳудудларда вақт-вақти билан қор ёғиши, йўлларда яхмалак ва айрим жойларда қор кўчиши хавфи сақланиб қолади.
Синоптиклар ҳайдовчиларни эҳтиёткор бўлишга, йўлларда ҳаракат қоидаларига қатъий риоя этишга чақирмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
