Ўзбекистонда 9 ой ичида энг кўп чақалоқ қайси ҳудудда туғилгани аниқланди
2025 йилнинг январ–сентябр ойларида Ўзбекистонда жами 664,6 мингта туғилиш қайд этилган. Энг кўп чақалоқ Самарқанд вилоятида туғилиб, 80 903 та туғилиш қайд этилган. Кейинги ўринларни Қашқадарё вилояти (75 116 та) ва Фарғона вилояти (74 614 та) эгаллаган. Энг паст кўрсаткичлар Сирдарё вилоятида (15 879 та) ва Навоий вилоятида (18 594 та) кузатилган.
Миллий статистика қўмитаси маълумотларига кўра, 2025 йилнинг январь–сентябрь ойларида Ўзбекистонда жами 664,6 мингта туғилиш қайд этилган.
Ҳудудлар кесимида энг юқори кўрсаткич Самарқанд вилоятига тўғри келиб, бу ерда 80 903 та чақалоқ дунёга келган. Кейинги ўринларда Қашқадарё вилояти (75 116 та) ва Фарғона вилояти (74 614 та) жой олган.
Шунингдек, Сурхондарёда 61 128 та, Андижонда 60 131 та, Наманганда 57 881 та туғилиш қайд этилган. Тошкент вилоятида 49 007 та, Тошкент шаҳрида эса 47 703 та чақалоқ туғилган.
Энг паст кўрсаткичлар Навоий вилоятида (18 594 та) ва Сирдарё вилоятида (15 879 та) кузатилган.
Эслатиб ўтамиз, аввалроқ Қашқадарё вилояти Қарши шаҳрида аёл беш қиздан сўнг тўрт эгизак қизалоқни дунёга келтиргани ҳақида хабар берилган эди.
Изоҳлар 0
…