«Манчестер Юнайтед» ярим ҳимоячиси ва жамоа сардори Бруну Фернандеш Англия Премьер-лигасининг 17-турида «Астон Вилла»га қарши ўйинда жароҳат олди. Учрашув якшанба куни бўлиб ўтди ва «қизил иблислар» 1:2 ҳисобида мағлуб бўлди.
Журналист Жон Перси маълумотига кўра, танаффусда алмаштирилган манкунианлар сардори камида бир ой майдонга туша олмайди. 31 ёшли португалиялик яқин кунларда тиббий кўрикдан ўтади, шундан сўнг тикланиш муддатлари бўйича аниқроқ хулоса берилади.
Жорий мавсумда Фернандеш «Манчестер Юнайтед»нинг чемпионатдаги барча ўйинларида асосий таркибда майдонга тушган. Унинг ҳисобида 5 та гол ва 7 та голли узатма бор.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
