Эндиликда “Янги Ўзбекистон стипендияси” дастури доирасида ҳар йили 500 нафаргача хорижий иқтидорли талабалар Ўзбекистон давлат олий таълим муассасаларида грант асосида таҳсил олиши мумкин бўлади. Бунда бакалавриат йўналишларида тўлиқ ўзлаштирилмай қолган давлат грант квоталари ҳисобидан фойдаланилади.
2026/2027 ўқув йилидан бошлаб олий таълим муассасаларига хорижий талабаларни қабул қилишнинг амалдаги тартибига қўшимча равишда “Study in Uzbekistan” платформаси орқали қабул тизими йўлга қўйилиши режалаштирилган.
Шунингдек, шу даврдан бошлаб таълим дастурини хорижий тилда якунлаган талабалар кейинги босқичга ҳужжат топширишда тил билиш сертификатини тақдим этиш талабидан озод этилади.
Ҳужжатга кўра, яна бир қатор янги тузилмалар ҳам ташкил этилади. Хусусан, Рақамли таълим технологияларини ривожлантириш маркази негизида Рақамли таълим ва сунъий интеллектни ривожлантириш маркази, шунингдек, Инновацион ташаббусларни қўллаб-қувватлаш офиси фаолияти йўлга қўйилади.
“Zamin”ни Telegram'да ўқинг!
