Меган Маркл яна баҳс марказида: Нью-Йоркдаги “кортеж шоу” жамоатчилик ғазабини қўзғади

Британия қироллик оиласига дахлдор шахсларнинг ҳар бир ҳаракати жамоатчилик диққат марказида бўлиши табиий. Аммо Меган Марклнинг Бродвейга ташрифи ундан ҳам ортиқ шов-шувга сабаб бўлди.

Жипдаги герцогиня ва “бўш” кортеж
Меган Нью-Йоркдаги Бродвей спектаклига ҳашаматли кортежда етиб келди. Бунинг ўзида ғайриоддий нарса йўқдек кўрилиши мумкин. Аммо ҳолат шунчаки “оддий” эмас эди.

Герцогиня битта жипда бўлган, қолган икки машинада эса фақат ҳайдовчилар бўлгани жамоатчиликни ҳайратга солди. Кўпчилик буни ҳаддан ташқари эҳтиёткорлик ва шовқинли намоён қилиш деб баҳолади.

Махфий хизматдан шахсий жамогача
Page Six нашрига кўра, Меган Маркл ўз шахсий хавфсизлик жамоасига собиқ махфий хизмат агентларини ҳам қўшган. Икки собиқ агент Нью-Йорк полициясига тегишли автомобилда бўлган.

Бу ҳолат нафақат журналистлар, балки “кўп кўрган” папарациларни ҳам лол қолдирди. Улар буни:

• “Мутлақо ғайритабиий”;
  
• “Ортиқча”;
  
• “Вазиятга мос келмайдиган”
  

ҳаракат деб баҳолашди.

“Ҳатто Бейонсе ҳам бундай қилмайди”
Машҳурларни доимий кузатиб юрадиган фотографлар таъкидлашича, Бейонсе ёки Ким Кардашьян каби юлдузлар одатда фақат бир машинада ҳаракатланишади ва бу Меганнинг “кўргазмали” чиқишини фонида янада қизғин муҳокамаларни келтириб чиқарди.

Содда “герцогиня” имижидан асар ҳам қолмадими?
Шаҳзода Гаррининг турмуш ўртоғи сифатида доим “соддалик ва самимийлик” шиори билан танилган Меган Марклнинг бу галги ҳаракатлари унинг имижига бутунлай тескари таъсир кўрсатди.

Ижтимоий тармоқлардаги баҳслар буни тасдиқламоқда: кўпчилик “шоу учун шовқин” деб ҳисоблаётган кортеж ҳақида ҳали анча гапирилади. «Замин»ни Telegram’да ўқинг!