Бугун, 29 декабр куни республика ҳудудига совуқ ва нам ҳаво кириб келмоқда. Эрталаб республика бўйича баъзи жойларда ёмғир ёғиши, тоғларда ёғингарчилик (ёмғир, қор) бошланди.
"Ўзгидромет" хабарига кўра, кун давомида ҳаво ҳарорати аста-секин пасаяди, куннинг иккинчи ярмида эса +0...+5 даражагача тушади. Ёмғир ёғиши давом этади ва республика бўйича баъзи жойларда ёмғир қорга айланади. Тоғли ҳудудларда баъзи жойларда ёғингарчилик кучли бўлади.
Республика бўйича баъзи жойларда шамол тезлиги 17-22 м/с гача кучайиши кутилмоқда.
Эртага, 30 декабр куни Ўзбекистон ҳудуди бўйича нисбатан совуқ об-ҳаво бўлади, ёғингарчилик кутилмайди, фақат республиканинг тоғли ҳудудларида баъзи жойларда бироз қор ёғиши мумкин. Ҳарорат кечаси -0...-5 даражагача, шимолда -6...-9 даражагача пасаяди, кундузи +2...+7 даража атрофида бўлади.
31 декабр ва 1 январ кунлари республиканинг барча ҳудудларида ёғингарчиликсиз об-ҳаво бўлиши кутилмоқда.
Кечалари совуқ сақланиб туради, кундуз кунлари эса ҳаво ҳарорати аста-секин кўтарилади ва 1 январга бориб +10...+13 даражага етади.
Қуруқ об-ҳаво 2 январда ҳам сақланиб туради, лекин бироз совуқ ҳаво кириб келиши ҳисобига кундузги ҳарорат +6...+9 даражагача пасаяди.
Республика бўйича баъзи жойларга туман тушиши кутилмоқда.
Пойтахтда 29 декабр куни ёмғир ёғади, қорга айланади. Шамол ғарбдан 3-8 м/с тезликда эсади, вақти-вақти билан 12-15 м/с гача кучаяди. Куннинг иккинчи ярмида ҳарорат +0...+2 даражагача пасаяди.
30-31 декабр ва 1-2 январ кунлари ёғингарчилик кутилмайди. Кечаси ва эрталаб туман тушиши мумкин.
Ҳарорат 30 декабрда кечаси -1...-3 даража, кундузи +4...+6 даража, 31 декабр ва 1-2 январда кечалари -3...+2 даража бўлади, 31 декабр ва 1 январда кундуз кунлари +11...+13 даражагача аста-секин кўтарилади, 2 январда +7...+9 даража бўлади.
“Замин” янгиликларини “Telegram”да кузатиб боринг
