«Ал-Ҳилол» Бензема учун Нунесни чемпионат рўйхатидан чиқарди

Уругвайлик ҳужумчи Дарвин Нунес мавсумнинг қолган қисмида Арабистон чемпионатида майдонга тушмайди. «Ал-Ҳилол»нинг италиялик бош мураббийи жамоа рўйхатига янги келган Карим Бенземани киритиш учун Нунесни чемпионат учун берилган аризадан чиқариб ташлади. Шунга қарамай, Нунес Осиё Чемпионлар лигаси ўйинлари учун қайдномада қолди. Бу ҳақда euro-football.ru хабар беради.

Маълумот учун, Нунес фаолияти давомида Испаниянинг «Алмерия», Португалиянинг «Бенфика» ва Англиянинг «Ливерпул» клубларида тўп сурган. У 2019 йилдан буён Уругвай терма жамоасига жалб этиб келинади ва ҳозиргача миллий жамоа сафида 13 та гол урган. Шунингдек, у 2022 йилги Қатар жаҳон чемпионатида ҳам иштирок этган.

Abror Tovmurodov

«ZAMIN.UZ» муҳаррири