Аргентина гранди «Бока Хуниорс» клубнинг янги спорт директори ким бўлишини расман маълум қилди. Бу лавозимга Марсело Делгадо тайинланди ва у клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тезкор кучайтиришга эҳтиёж сезмоқда. Шу сабаб Делгадо ва Рикелме тандемидан яқин вақт ичида трансферлар бўйича аниқ қадамлар кутилмоқда.
Делгадо футболчилик фаолиятида ҳам ном қозонган: у 1995–2002 йилларда Аргентина терма жамоаси сафида 18 учрашув ўтказган, жумладан 1998 йилги жаҳон чемпионатида ҳам майдонга тушган.
Шунингдек, 2003 йилда у Либертадорес кубогида энг кўп гол урган футболчилардан бири бўлган — «Сантос» ҳужумчиси Рикардо Оливейра билан бирга турнир тўпурарлари сафидан жой олган.
“Zamin”ни Telegram'да ўқинг!
