Аргентинанинг «Бока Хуниорс» клуби янги спорт директорини расман эълон қилди — бу лавозимни Марсело Делгадо эгаллади. У клуб президенти Хуан Рикелме билан яқин ҳамкорликда ишлайди, Рикелме эса аввал «Барселона» сафида ҳам тўп сурган эди. Бу ҳақда euro-football.ru хабар беради.
«Бока Хуниорс» таркибни тез фурсатда кучайтиришга муҳтож. Шу сабабли Делгадо ва Рикелме дуэти трансферлар ва жамоани мустаҳкамлаш бўйича яқин кунларда фаол иш олиб бориши кутилмоқда.
Делгадо футболчи сифатида ҳам катта тажрибага эга: у 1995–2002 йилларда Аргентина терма жамоасида 18 учрашув ўтказган ва 1998 йилги Жаҳон чемпионатида ҳам иштирок этган. 2003 йилда эса у «Сантос» ҳужумчиси Рикардо Оливейра билан бирга Либертадорес Кубогининг энг яхши тўпурари бўлган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
