Аргентинанинг «Бока Хуниорс» клуби спорт директори лавозимига Марсело Делгадони тайинлаганини маълум қилди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Манбага кўра, жамоа таркибини зудлик билан кучайтиришга муҳтож ва Делгадо ҳамда Рикелме дуэти трансферлар бўйича фаол ишлашига тўғри келади.
Делгадо футболчилик фаолиятида ҳам катта тажриба тўплаган: у 1995-2002 йиллар оралиғида Аргентина терма жамоасида 18 учрашув ўтказган, жумладан 1998 йилги Жаҳон чемпионатида ҳам иштирок этган.
Шунингдек, 2003 йилда у Либертадорес кубогининг энг яхши тўпурари бўлган — «Сантос» ҳужумчиси Рикардо Оливейра билан бирга турнирда энг кўп гол урган футболчи сифатида қайд этилган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
