Аргентина гранд-клуби «Бока Хуниорс» спорт директори лавозимига Марсело Делгадони тайинлаганини маълум қилди. У клуб президенти, «Барселона»нинг собиқ футболчиси Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
«Бока Хуниорс» таркибни тез фурсатда кучайтиришга муҳтож. Шу боис Делгадо ва Рикелме дуэти яқин трансферлар бозорида жамоага керакли қўшимчаларни топиш вазифаси устида ишлайди.
Делгадо футболчи сифатида ҳам катта тажрибага эга: у 1995–2002 йилларда Аргентина терма жамоасида 18 ўйин ўтказган ва 1998 йилги жаҳон чемпионатида ҳам иштирок этган.
Шунингдек, Делгадонинг фаолиятидаги ёрқин воқеалардан бири — 2003 йилда Либертадорес кубогида энг яхши тўпурар бўлгани. У бу натижани «Сантос» ҳужумчиси, бразилиялик Рикардо Оливейра билан бирга қайд этган.
“Zamin”ни Telegram'да ўқинг!
