Аргентинанинг «Бока Хуниорс» клуби спорт директори лавозимига Марсело Делгадо тайинланганини расман маълум қилди. Энди у клуб президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтириш зарурати борлиги таъкидланмоқда. Шу сабабли Рикелме ва Делгадо дуэти трансферлар ҳамда селекция масалаларида яқин кунларда фаол иш олиб бориши кутилмоқда.
Марсело Делгадо футболчилик фаолиятида ҳам танилган: у 1995–2002 йилларда Аргентина терма жамоаси сафида 18 та ўйин ўтказган, 1998 йилги жаҳон чемпионатида ҳам иштирок этган.
Делгадонинг энг ёрқин натижаларидан бири 2003 йилда қайд этилган: у Либертадорес кубогининг энг яхши тўпурарига айланган. Бу кўрсаткич бўйича у «Сантос» ҳужумчиси Рикардо Оливейра билан бир хил натижа кўрсатган.
“Zamin”ни Telegram'да ўқинг!
