Eron yadro qurolidan voz kechishga tayyor, Isroil esa ogohlantirmoqda

Yaqin Sharqdagi keskin vaziyat yana bir bor jahon hamjamiyati diqqat markaziga chiqdi. Eron tashqi ishlar vaziri Abbos Arakchi joriy tartibda muhim bayonot bilan chiqdi: Tehron xalqaro hamjamiyat bilan yadro quroliga ega bo‘lmasligini kafolatlovchi shartnoma imzolashga tayyorligini ma’lum qildi.

Arakchi, shuningdek, Isroil tomonidan Eron hududiga nisbatan har qanday harbiy harakatlar to‘xtatilsa, Tehron ham Isroilga qarshi hujumlarini bas qilishi mumkinligini ta’kidladi. Bu so‘zlar imkoniy tinchlik muzokaralariga yo‘l ochayotgandek tuyulsa-da, hozircha qarshi tomon — Isroil tomonidan rasmiy ijobiy munosabat bildirilmadi.

Aksincha, Isroil harbiylari Eron kuchlari joylashgan hududlardagi fuqarolarni shoshilinch ravishda bu yerlarni tark etishga chaqirdi. Armiyaning fors tilidagi rasmiy bayonotida quyidagi ogohlantirish berildi:

“Harbiy qurol zavodlari yaqinida yoki ularni qo‘llab-quvvatlovchi infratuzilma atrofida bo‘lib turgan barcha shaxslar ushbu hududlarni darhol tark etsinlar. Ular hayotlarini jiddiy xavf ostiga qo‘ymoqdalar. Keyingi bildiruvgacha bu yerlarga qaytmasliklari qat’iy tavsiya etiladi”, — deyiladi bayonotda.

Hozirda Isroil-Eron munosabatlari yanada murakkab bosqichga kirib borgan. Eronning yadroviy dasturiga oid takliflar e’lon qilinganiga qaramasdan, voqelikda harbiy shiddat pastlamayapti.

Mutaxassislar fikricha, agar jahon hamjamiyati tez fursatda faol diplomatik mexanizmlarni ishga solmasa, mintaqada keng ko‘lamli harbiy to‘qnashuv ehtimoli ortmoqda.

Jahon hamjamiyati oldidagi asosiy savol esa shunday: bu diplomatik imkoniyat – so‘nggisi bo‘lmasmikan? “Zamin”ni Telegramʻda oʻqing!