AQSh prezidenti Donald Trump G‘azodagi urushni to‘xtatish bo‘yicha muzokaralarni tezlashtirishga chaqirdi. Dushanba kuni Misrda Hamas va Isroil o‘rtasida bilvosita tinchlik muzokaralari boshlanishi kutilmoqda.
Hamas AQSh taklif qilgan 20 bandli rejaning ayrim qismlarini qabul qildi, ammo qurolsizlanish va G‘azoni boshqarish masalasida kelishuvga bormadi. Trump “muzokaralar samarali kechmoqda” deb aytdi va vaqtni boy bermaslikni so‘radi.
Isroilning havo hujumlari esa hanuz davom etmoqda. G‘azo Sog‘liqni saqlash vazirligi ma’lumotiga ko‘ra, so‘nggi bir sutkada 65 kishi halok bo‘lgan.
Hamas va Isroil delegatsiyalari Qohirada bo‘lib o‘tadigan muzokaralarga tayyorlanmoqda. Uchrashuv G‘azodagi ikki yillik urushni tugatish yo‘lidagi muhim qadam sifatida baholanmoqda.
“Zamin”ni Telegramʻda oʻqing!
