Haroratning ko'tarilishi yangi viruslarning kelib chiqishiga sabab bo'lishi aniqlandi
Global isish va abadiy muzliklarning erishi yangi, o'rganilmagan viruslarning paydo bo'lishiga olib kelishi mumkinligi haqida ogohlantirildi. Nobel mukofoti sovrindori Rae Kwon Chungning ta'kidlashicha, muzliklar ostida saqlanib qolgan bu viruslar insoniyat uchun kutilmagan va jiddiy biologik xavf tug'dirishi mumkin. Mutaxassisning fikricha, bu xavfli patogenlar Rossiyaning shimoliy hududlari, Kanada va Grenlandiya kabi muzliklarda saqlanib qolgan bo'lib, yuzlab turli viruslar faollashishi ehtimoli mavjud.
Global haroratning oshishi va abadiy muzliklarning tez erishi yangi, hali o‘rganilmagan viruslarning yuzaga chiqishiga sabab bo‘lishi mumkinligi haqida ogohlantirish berildi. Bu holat insoniyat uchun kutilmagan va og‘ir oqibatlarga olib kelishi ehtimoldan xoli emas.
Nobel mukofoti sohibi Rae Kvon Chung bu borada “RIA Novosti” nashriga bergan intervyusida o‘z fikrlarini bildirdi.
Olimning ta’kidlashicha, muzliklar ostida saqlanib qolgan viruslar haqida aniq ma’lumot yo‘q va ularning aksariyati hali o‘rganilmagan. U bu holatni kutilmagan biologik xavf sifatida baholagan.
Mutaxassis, shuningdek, tarixda kuydirgi bilan bog‘liq holatlar bunga misol bo‘lishi mumkinligini, biroq kelajakdagi xavf bundan ham jiddiyroq bo‘lishi ehtimolini aytib o‘tdi.
Uning fikricha, bunday viruslar asosan Rossiyaning shimoliy hududlari, Kanada va Grenlandiya muzliklarida saqlanib qolgan bo‘lishi mumkin.
Ilmiy tadqiqotlarga ko‘ra, muzliklar erishi natijasida yuzlab turli viruslar faollashishi ehtimoli mavjud bo‘lib, ularning ayrimlari inson salomatligi uchun jiddiy tahdid tug‘dirishi mumkin.
Izohlar 0
…