16:18 / 29.12.2014
7 931

Avstriya prezidenti Rossiyaga qarshi yangi sanksiya qo‘llanishini bema’nilik deb atadi

Avstriya prezidenti Rossiyaga qarshi yangi sanksiya qo‘llanishini bema’nilik deb atadi
Evroittifoq Rossiya va Ukrainaga nisbatan siyosat yuritishda xatolarga yo‘l qo‘ydi hamda Moskvaga yangi sanksiyalarning joriy qilinishi “bema’ni va zararli” qadam bo‘ladi, deb aytib o‘tdi Avstriya prezidenti Xayns Fisher “ARA” agentligiga bergan intervyusida. Avstriya prezidentining bu chiqishi haqida “lenta.ru” nashri yozmoqda.

Ushbu xabarda yozilishicha, Avstriya prezidenti Rossiyaga qarshi sanksiyalar qo‘llab, siyosiy maqsadlarga erishish mumkinligi haqidagi rejani “zararli” deb atagan. Uning fikricha, Rossiya iqtisodiyotining etarlicha mustahkamlik zaxirasi mavjud bo‘lib, sanksiyalar Moskvaga jiddiy muammo tug‘dirgan bo‘lsa-da, Rossiyadagi og‘ir iqtisodiy inqiroz eski muammolarni hal qilish o‘rniga yangi muammolarga olib keladi.

“Albatta, hozirda yuz berayotgan Ukrainadagi inqiroz faqatgina Rossiya yo‘l qo‘ygan xatolar natijasida vujudga keldi, deyishning o‘zi xato bo‘ladi. Bunda Evropa va boshqa manfaatdor tomonlarning ham aybi bor”, deb ta’kidlab o‘tdi Fisher.

Avstriya rahbarining aytishicha, Evropa Ittifoqi Ukraina bilan qo‘shilish qiymatini haddan ortiq yuqori baholab yuborgan.

Biroq shu bilan birga Avstriya rahbari Qrimning Rossiya tarkibiga qo‘shib olinishi noqonuniy amalga oshirildi, deb hisoblaydi. Shuningdek, u Rossiya va G‘arb mamlakatlarining hozirgi sovuq munosabatini yangi “sovuq urush” deb atash kerak emasligini aytib o‘tgan.

Manba : kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Avstriya prezidenti Rossiyaga qarshi yangi sanksiya qo‘llanishini bema’nilik deb atadi
[/banner_pushhouse