Telefonda so‘zlashish odoblari

• Birovga qo‘ng‘iroq qilishdan, qisqa xat yozishdan oldin uning raqamini aniqlab olish lozim.

• Qo‘ng‘iroq qilishdan oldin qo‘ng‘iroq qilinayotgan shaxs istirohat qilayotgan yoki qilmayotgani, band yoki band emasligini aniqlab olish kerak.

• Bir marta qo‘ng‘iroq qilganda javob berilmasa, oradan biroz muddat o‘tkazmay turib, qo‘ng‘iroqni qaytarish beodoblikdir.

• Uch marta qo‘ng‘iroq qilingandan keyin ham javob bo‘lmasa, qo‘ng‘iroq qilishni to‘xtatish lozim.

• Chaqirilgan odam aloqaga chiqqanda, chaqiruvchi birinchi bo‘lib salom berishi kerak.

• Qo‘ng‘iroq kelganda, go‘shakni olgach, “Labbay” yoki shu kabi go‘zal ibora bilan so‘z boshlash odobdandir.

• Uyali aloqa vositasida uzoqroq gaplashmoqchi bo‘lgan odam suhbatdoshidan izn so‘rashi lozim.

• Uyali aloqa vositasida so‘zlashish davomida kavshanib turish o‘taketgan beodoblikdir.

• Telefonda ovozini soxtalashtirib gapirish yoki yolg‘on xatlar yozib, o‘zgalarni masxara qilish mumkin emas.

• O‘zaro so‘zlashuvni tamomlagach, go‘zal so‘zlar va ezgu tilaklar bilan xayrlashish kerak.

• Birovning telefon raqamini o‘zining ruxsatisiz boshqalarga bermaslik talab etiladi.

• Chiqimdan qochib, birovning telefoniga raqamini chiqarib qo‘yish va uning javob qaytarishini kutish beodoblikdir.

• Qo‘ng‘iroq bo‘lgan paytda javob berolmagan kishi imkon topgan zahoti javob qaytarishi lozim.

• O‘ziga kelgan har qanday xatni boshqalarga tarqataverish mumkin emas.

• Kishilarga uyali aloqa vositasi orqali xat yozishda ham odob-axloq, shariat chegaralariga rioya qilish lozim.

Manba: Fitrat.uz “Zamin”ni Telegramʻda oʻqing!