Oʻzbekiston—Tojikiston davlat chegarasida yangi logistika markazini barpo etish rejalashtirilmoqda. Xovar agentligi xabariga koʻra, loyiha uchun asosiy joy sifatida “Oʻybek — Fotexobod” chegara-oʻtkazish punkti atrofidagi hudud koʻrib chiqilmoqda. Bu haqda kursiv.uz xabar beradi.
Hozirda tayyorgarlik ishlari olib borilmoqda: jumladan, markazning iqtisodiy samaradorligi baholanmoqda. Bu bosqichlar Yevrosiyo taraqqiyot banki (YTB)ning texnik yordam jamgʻarmasi moliyaviy koʻmagida amalga oshirilayotgani aytiladi.
Tashabbus Tojikistonning transport sohasida davlat-xususiy sheriklik (DXSh) mexanizmini ilk bor sinovdan oʻtkazish tajribasi boʻlishi kutilmoqda. YTB vakillariga koʻra, yangi logistika tuguni yuk tashish jarayonlarini yanada optimallashtirishga xizmat qilishi mumkin.
Avvalroq ikki davlat “Oʻybek — Fotexobod” punkti hududida logistika va ishlab chiqarish infratuzilmasini oʻz ichiga olgan savdo-sanoat zonasini tashkil etish imkoniyatini ham muhokama qilgan edi.
“Zamin”ni Telegramʻda oʻqing!
