29-noyabr kuni Namangan viloyati Chust tumanida qattiq maishiy chiqindilarni qayta ishlash va ulardan elektr energiyasi ishlab chiqaruvchi zavodning tamal toshi qo'yildi. Ushbu loyiha Xitoyning ekologik kompaniyasi China Everbright International tomonidan amalga oshiriladi.
Loyihaning umumiy qiymati 141,5 million AQSh dollarini tashkil etadi. Zavod kuniga 1,5 ming tonnagacha chiqindini qayta ishlashga va yiliga 227,5 million kVt·soat elektr energiyasi ishlab chiqarishga qodir bo'ladi.
Loyihaning amalga oshirilishi doirasida 150-200 ta ish o'rni yaratiladi. Zavodni 2027-yilda ishga tushirish rejalashtirilgan.
Ishlab chiqarilgan elektr energiya davlatga 30 yil davomida kafolatli shartnoma asosida sotiladi. Qurilish ishlari O'zbekistonning to'qqizta hududida chiqindilarni termik qayta ishlashga ixtisoslashgan majmualar qurish dasturi doirasida olib borilmoqda.
Joriy yilda Andijon, Samarqand va Farg'ona viloyatlarida ham shu kabi zavodlar qurilishi boshlandi.
Mehmon guruhidagi foydalanuvchilar ushbu nashrga izoh qoldira olmaydi.
