Lill maglubiyatidan keyin Jiruni muxlislar hushtak bilan kuzatdi

Fransuz hujumchisi Olivye Jiru uchun qiyin kunlar davom etmoqda: uning «Lill» klubi «Strasburg»ga 1:4 hisobida yutqazdi. Uchrashuvdan so‘ng tribunalardan hushtakbozlik yangradi — «doglar» muxlislari jamoasining omadsiz o‘yiniga shunday munosabat bildirdi. Bu haqda euro-football.ru xabar beradi.

O‘yin tugagach, Jiru jamoa oldida so‘z olib, vaziyatdan chiqish uchun birlashish zarurligini ta’kidladi. «Hamma bir yoqadan bosh chiqarishi kerak — klub rahbariyati, futbolchilar va muxlislar. Faqat birgalikda harakat qilsak, bu murakkab davrni yengib o‘tamiz», — deya uning fikrlarini derbyderbyderby.it keltirdi.

Avvalroq Jiru Londonning «Arsenal»i va Italiyaning «Milan»i safida ham to‘p surgan. Hozir «Lill» Fransiya chempionati turnir jadvalida beshinchi o‘rinda bormoqda.