Xabaringiz bor, 14 aprel tongida “UFC 300 “ turniri start oladi. Mazkur jang kechasining kardi juda qiziqarli tuzilgan. Assosiy kardning har bir to‘qnashuvi murosasiz o‘tishi aniq. Biz anʼanaga muvofiq o‘zbek yakkakurash olami vakillariga Charlz Oliveyra hamda Arman Sarukyan jangi borasida murojaat qildik.
Jasur Alijonov – murabbiy
-Bu jang men uchun ham juda qiziq. Divizionning eng noodatiy jangchilari sarasiga kirishadi. Har ikkisining “arsenali” juda boy. Zarbalar, sabmishenlar... To‘g‘risi, bu jangdagi imkoniyatlarni 50/50 baholagan bo‘lardim. Omadi kelgan g‘alaba qozonadi.
Rizo Safarov – murabbiy
Bu jang borasida fikr yuritadigan bo‘lsak, Oliveyraning o‘zining “fishka”lari bor. “Parter”, zarbalari ham yaxshi shakllangan. Sarukyan yosh, g‘alabaga chanqoq. Hozirda u “parter”dan himoya ustida ishlamoqda. Qolaversa, jismoniy holati ham juda zo‘r. Biroq, Sarukyanning g‘alabalariga eʼtibor qaratsak, birgina kuchli raqib Dariushni mag‘lub etganini ko‘ramiz. Maxechevdan, Gamrotdan yutqazdi. Oliveyra esa bilasiz Maxachevdan tashqari bari TOP larni urib chiqdi. Shunday bo‘lsa-da, baʼzan tajriba asqotishi mumkin. Baʼzan esa, yoshlik o‘z so‘zini aytishi mumkin. Imkoniyatlarni 50/50 deya baholagan bo‘lardim.
Doston Bozorov – MMA jangchisi
Qiziqarli jang bo‘ladi. To‘g‘ri, hozir Arman Sarukyan juda yaxshi jismoniy holatga ega. Qolaversa, yosh va ishtiyoqi yuqori. Islam Maxachevga qanday qarshilik ko‘rsatganiga ham guvohi bo‘lganmiz. Ammo Oliveyra o‘ta tajribali... Aynan ushbu tajriba Oliveyraga asqotadi, deb o‘ylaman. Imkoniyatlarni 60/40 deya baholagan bo‘lardim. Albatta, Oliveyra foydasiga!
Firdavs Hasanov – MMA jangchisi
Umuman olganda bularning jangida imkoniyatlarni teng deya baholagan bo‘lardim. Lekin Arman Sarukyan nisbatan yosh va g‘alabaga och, desam yanglishmagan bo‘laman. Lekin Oliveyrani mag‘lub etish oson emas. Ulkan tajriba egasi, shuning uchun bu jangda kim xato qilsa, o‘sha mag‘lubiyatga uchraydi. Imkoniyatlarni yuqorida aytib o‘tganimdek, 50/50 deya baholagan bo‘lardim.
Javohir Imomov – MMA jangchisi
Bu jang menimcha karddagi eng qiziqarli bahslardan biri bo‘ladi. Imkoniyatlarni 50/50 baholagan bo‘lardim. Charlzni zarba yo‘llash texnikasini baribir ustun deb bilaman. Sarukyanni kurashi esa, Maxachevnikiday emasku, o‘xshab ketadi. Bosim, nazoratni yaxshi qiladi. Oliveyra o‘sha “parter”dagi vaziyatni o‘zi berib, og‘riqli usullarni qo‘llashga harakat qilsa kerak. Agar, Oliveyra “Bek-maunt”ga o‘tib olsa, bo‘g‘ib qo‘yishi aniq. Yana bir “faktor” Arman Sarukyanni yosh va g‘alabaga chanqoq ekanligi unga ustunlik berishi mumkin. Xullas, imkoniyatlarni teng baholagan bo‘lardim.
Ramazon Temirov – MMA jangchisi
“UFC 300” turnirining “fayt-kard”i juda yaxshi tuzilgan. Qiziqarli janglar ko‘p. Ulardan biri Sarukyan-Oliveyra jangi bo‘ladi, deb ayta olamiz. Bir-biriga mos raqiblar. Men Arman Sarukyanni imkoniyatlarini yuqori baholagan bo‘lardim. O‘2ylaymanki, bu jangda Sarukyan g‘alaba qozonadi.
Shukrullo Yuldashev – MMA jangchisi
Super jang bo‘ladi. Har doim, Charlz Oliveyrani imkoniyati past baholangan. Misol uchun, Toni Fergyuson, Dastin Porye, Jastin Getji, Maykl Chendlerlar bilan jangda ko‘pchilik uning g‘alaba qozonishiga ishonmagan edi. Ammo, u chiqdi va barchasini yanchib tashladi. Sarukyanga qarshi jangda ham unga past baho berilyapti. Lekin yana chiqadi va Sarukyanni ham “uxlatib” qo‘yadi. Uzog‘i 2-raundda jang yakunlanadi. Imkoniyatlarni 70/30 deya baholayman. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina harbiy bo‘linmalari Xarkiv viloyatidagi yangi pozitsiyalarga o‘tkazildi
Surxondaryo viloyatida ayiq IIB xodimiga jarohat yetkazdi
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
Kolumbiya prezidenti Netanyaxuni hibsga olishga chaqirdi
D vitamini dozasini oshirib yuborishning xavfli oqibatlari
Husanovning ortidan yana bir futbolchi “Lans”ga boradi
Energetika vaziri elektr energiyasi va gaz narxi nega oshirilganiga izoh berdi
Dyumin va Patrushev Putinning yordamchilariga aylanishdi. Ular hukumatda qanday rol o‘ynaydi?
