U-17 Osiyo Kubogi finali: O‘zbekiston yoshlari tarixiy g‘alaba ostonasida

Bugun, 20 aprel kuni, Saudiya Arabistonida 17 yoshgacha bo‘lgan futbolchilar o‘rtasidagi Osiyo Kubogining hal qiluvchi uchrashuvi bo‘lib o‘tadi. Finalda mezbonlar — Saudiya Arabistoni U-17 terma jamoasi O‘zbekistonning yosh futbolchilariga qarshi maydonga tushadi.

Hayratlanarli va hayajonli o‘yinni butun qit’a intiqlik bilan kutmoqda. Uchrashuv Toshkent vaqti bilan soat 20:00da Toif shahridagi «Qirol Fahd» nomidagi zamonaviy stadionda boshlanadi.

O‘yinni malakali qatarlik hakam Muhammad Ahmad Al-Shammari boshqarib boradi. Unga qanotlarda vatandoshi Yusuf Aref Al-Shamari va tailandlik Nuannid Dornjangrid yordam beradi. Koreyalik Kim Yu-Jeong to‘rtinchi hakam vazifasini bajaradi, VAR tizimi esa avstraliyalik hakam Daniel Jon Elderga ishonib topshirilgan.

O‘zbekiston U-17 terma jamoasi bu turnirda o‘zining kuchli ruhi va jamoaviy o‘yini bilan muxlislarni hayratda qoldirib kelmoqda. Bu finalga yetib kelish yosh futbolchilarimiz uchun nafaqat g‘alaba, balki butun O‘zbekiston futboli uchun ham katta sharaf va tarixiy voqelikdir.

Mezbonlar — Saudiya Arabistoni terma jamoasi esa o‘z muxlislari ko‘z o‘ngida kubokni qo‘lga kiritishni maqsad qilgan. Shuning uchun ham bu bahs har ikki jamoa uchun nihoyatda ahamiyatli va mas’uliyatli hisoblanadi.

O‘zbekiston futbol muxlislari yosh termamizdan faqat g‘alaba kutmoqda. Bu muhim o‘yinda yoshlarimiz maydonda bor kuchlari bilan harakat qilib, mamlakatimiz uchun yana bir bor faxr tuyg‘ularini taqdim etishlari mumkin.

Bugungi uchrashuv, shubhasiz, barcha futbol ishqibozlari uchun yodda qolarli va hayajonga to‘la bo‘ladi. O‘zbekiston yoshlariga omad tilaymiz! “Zamin”ni Telegramʻda oʻqing!