Mart oyidagi FIFA kunlari doirasidagi o‘rtoqlik uchrashuvlari kutilmagan natijalar va tarixiy voqealarga boy бўлмоқда. Zamin.uz jahon futbolidagi eng so‘nggi yangiliklar va shov-shuvli mag‘lubiyatlar tafsilotini taqdim etadi.
2026 yilgi Jahon chempionati mezbonlaridan biri bo‘lgan AQSH terma jamoasi uchun Belgiyaga qarshi kechgan bahs haqiqiy "sovuq dush" bo‘ldi. Maurisio Pochettino boshchiligidagi jamoa o‘z muxlislari ko‘z o‘ngida ayanchli mag‘lubiyatni qabul qilib oldi.
O‘yin xronikasi: Gollar shousi
Uchrashuv belgiyaliklarning to‘liq ustunligida o‘tdi va 2:5 hisobida yakunlandi.
- AQSH tarkibida: Ueston Makkenni (39‘) va Patrik Agyemang (87‘) gol muallifiga aylanishdi.
- Belgiya tarkibida: Zeno Debast (45‘), Amadu Onana (53‘), Sharl De Ketelare (59‘ pen.) va Dodi Lukebakio (68‘, 82‘) o‘z nomlarini tabloga yozdirib qo‘yishdi.
AQSH terma jamoasi:
1. Matt Turner, 21. Timothy Weah, 22. Mark McKenzie, 13. Tim Ream, 5. Antonee Robinson, 15. Johnny Cardoso, 6. Tanner Tessmann, 8. Weston McKennie, 17. Malik Tillman, 10. Christian Pulisic, 20. Folarin Balogun.
Belgiya terma jamoasi:
1. Senne Lammens, 15. Thomas Meunier, 2. Zeno Debast, 4. Brandon Mechele, 5. Maxim De Cuyper, 23. Nicolas Raskin, 24. Amadou Onana, 22. Alexis Saelemaekers, 7. Kevin De Bruyne, 11. Jeremy Doku, 17. Charles De Ketelaere.
Tarixiy fakt: Bu AQSH terma jamoasi uchun 1959 yildan beri o‘z maydonida qayd etilgan eng yirik mag‘lubiyat bo‘ldi. Pochettino uchun mundial oldidan qilinadigan ishlar hali juda ko‘pligi oydinlashdi.
“Zamin”ni Telegramʻda oʻqing!
