Osiyoda o‘zbek klublarining yangi davri: 2026/2027 yilgi mavsum tafsilotlari

1 daqiqa o'qish186
Osiyoda o‘zbek klublarining yangi davri: 2026/2027 yilgi mavsum tafsilotlari
QisqachaAI yordamida tayyorlanganKo‘rsatish
  • 2026/2027 yilgi mavsumda O'zbekiston ilk bor OFK Elit Chempionlar ligasining asosiy bosqichida bir vaqtning o'zida «Neftchi» va «Paxtakor» klublari bilan ishtirok etadi.
  • «Paxtakor» saralash bosqichida Iordaniyaning «Al-Husayn» jamoasini 3:0 hisobida mag'lub etib, musobaqadagi 20-ishtirokini ta'minladi.
  • «Neftchi»
  • Elit Chempionlar ligasiga to'g'ridan to'g'ri yo'llanma olgan, «Nasaf» esa OFK ikkinchi Chempionlar ligasi guruh bosqichida qatnashadi.

O‘zbekiston futboli Osiyo maydonlarida navbatdagi tarixiy va o‘ta muhim bosqichga qadam qo‘ymoqda. 2026/2027 yilgi futbol mavsumida mamlakatimiz ilk bor Osiyo futbol konfederatsiyasining (OFK) eng nufuzli musobaqasi — OFK Elit Chempionlar ligasining asosiy bosqichida bir yo‘la ikki jamoa bilan ishtirok etadi.

Bunga qadar O‘zbekiston bir mavsumda ushbu elitar musobaqada hech qachon bir vaqtning o‘zida ikki vakilga ega bo‘lmagan edi.

«Paxtakor»dan yirik g‘alaba va tarixiy 20-ishtirok

Toshkentning «Paxtakor» klubi saralash bosqichida Iordaniyaning «Al-Husayn» jamoasini qabul qilib, 3:0 hisobida tor-mor etdi va Elit Chempionlar ligasi yo‘llanmasini hal qildi.

11 avgust kuni bo‘lib o‘tgan bahsda «sherlar» tarkibida Dostonbek Hamdamov dubl qayd etgan bo‘lsa, iroqlik tajribali yarimhimoyachi Bashar Rasan oxirgi golni urib, o‘yinga yakuniy nuqtani qo‘ydi.

Ushbu muvaffaqiyat evaziga «Paxtakor» o‘z tarixida 20-marotaba Osiyoning klublar miqyosidagi eng asosiy va nufuzli musobaqasida ishtirok etadigan bo‘ldi.

«Neftchi» — to‘g‘ridan to‘g‘ri, «Nasaf» — 2-Chempionlar ligasida

Mamlakatning amaldagi chempioni sifatida Farg‘onaning «Neftchi» klubi OFK Elit Chempionlar ligasi asosiy bosqichiga to‘g‘ridan to‘g‘ri yo‘llanma olgan edi. Endilikda «Paxtakor» farg‘onaliklarga hamrohlik qiladi.

Shuningdek, Osiyoning maqomi jihatidan ikkinchi o‘rinda turuvchi musobaqasi — OFKning ikkinchi Chempionlar ligasida Qarshining «Nasaf» jamoasi yurtimiz sharafini himoya qiladi. Mamlakat chempionatida bronza medalini qo‘lga kiritgan qarshiliklar guruh bosqichiga to‘g‘ridan to‘g‘ri yo‘l olishgan.

2026/2027 yilgi mavsumda Osiyoda o‘ynaydigan klublarimiz:

  • OFK Elit Chempionlar ligasi: «Neftchi» va «Paxtakor»

  • OFK ikkinchi Chempionlar ligasi: «Nasaf»

Osiyoning eng kuchli klublari kurashadigan ushbu turnirlarda vakillarimizga omad va zafarlar tilab qolamiz!

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?