Zebo Raximova “Student”ning 2-fasli uchun noodatiy taklifnomalar tarqatdi

Aktrisa va bloger Zebo Raximovaning san’atkorlarga yangi “Student 2” komedik seriali yopiq premyerasiga noodatiy qizil diplom ko‘rinishidagi taklifnomalarni topshirayotgani aks etgan videolar ijtimoiy tarmoqlarda tarqalmoqda.

Ma’lum qilinishicha, “Student” serialining 2-fasli 14 avgust kuni soat 18:00 da premyera qilinadi. Zebo Raximova serialni tomosha qilishni istaganlar uchun uning ilk qismlari aynan shu vaqtda YouTube platformasida ham namoyish etilishini ta’kidlagan.

Serialning 1- va 2-qismlari YouTube'da e’lon qilinadi. Keyingi qismlar esa ITV kanalida namoyish etilishi aytilgan.

Ijtimoiy tarmoqlarda tarqalgan taklifnoma topshirish jarayoni esa tomoshabinlarda serialning yangi mavsumiga nisbatan qiziqishni yanada oshirdi.