23:39 / 28.04.2018
3 231

Rasman! Davron Fayziyev “Dinamo” bosh murabbiyiga aylandi

Rasman! Davron Fayziyev “Dinamo” bosh murabbiyiga aylandi
Bugun Samarqandning “Dinamo” klubi rahbariyati, viloyat futbol assotsiatsiyasi, klub murabbiylari va futbolchilar ishtirokida navbatdan tashqari yig‘ilish o‘tkazildi. Bu haqda “UFF.uz” yozmoqda.

Xabarda aytilishicha, o‘z vaqtida “Dinamo” jamoasida to‘p surgan sobiq futbolchi, o‘tgan mavsum Jizzaxning “So‘g‘diyona” klubida faoliyat yuritgan Davron Fayziyev “Dinamo” bosh murabbiyi etib tayinlandi. Mutaxassis bilan bir yillik shartnoma imzolandi. Murabbiy oldiga jamoani superligaga olib chiqish vazifasi qo‘yilgan.

Klubda Ilhom Sharipov bosh menejer sifatida faoliyat yuritishda davom etsa, Uchqun Qobilov va Rafael Balasanyan bosh murabbiyga yordam berishadi.

Davron Fayziyev bugun “Dinamo” - “Xorazm” uchrashuvida jamoani boshlab tushadi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)