Collins English Dictionary talqini bo'yicha 2023-yilning so'zi sifatida «vayb-kodlash» tanlandi. Ushbu atama dasturlashning yangi usulini anglatadi: bunda odam kod yozish o'rniga, vazifani so'zlar bilan izohlaydi, sun'iy intellekt esa ushbu tavsifni tayyor dasturga aylantiradi.
Bu usul dastur yaratishni dasturlashni bilmaydiganlar uchun ham imkoniyatli qiladi. «Vayb-kodlash» atamasi 2023-yilning boshida OpenAI hammuassisi Andrey Karpatining ijtimoiy tarmoqlardagi postidan so'ng ommalashdi.
U shunday yozgan edi: «Bu yangi kodlash usuli, uni men “vayb-kodlash” deb atayman. Unda siz to'liq ichki tuyg'ularga ergashasiz, kod mavjudligini unutib, faqat vazifalarga e'tibor qaratasiz.
Klaviaturaga deyarli tegmayman. Juda oddiy va dangasa talablar qo'yaman, masalan, “yon panelning chekkasini ikki barobar kichraytiring”, chunki o'zim buni qidirishga erinam.
Har doim “hammasini qabul qilish” tugmasini bosaman. Agar xatolik haqida xabar olsa, shunchaki uni nusxalab, hech qanday izohsiz joylayman, odatda bu muammoni hal qiladi.
Men loyiha yoki veb-ilova yarataman, lekin bu to'liq dasturlash emas — men faqat bir narsani ko'raman, bir narsani aytaman, bir narsani ishga tushiraman, nusxa ko'chiraman va joylayman, va bu ko'pincha ishlaydi». “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
