"O'zbekneftgaz" kompaniyasi joriy yil boshidan buyon debitorlik qarzdorligini 1,3 trln so'mga kamaytirdi. Bu haqda kompaniyaning moliya, transformatsiya va xususiylashtirish bo'yicha boshqaruv kengashi raisining birinchi o'rinbosari Suhrob Hamrayev ma'lum qildi. Reports Uzdaily.uz.
Birinchi chorak yakunlariga ko'ra, korxona asosiy ishlab chiqarish ko'rsatkichlarini rejadan ortiq bajardi. Sanoat mahsulotlari ishlab chiqarish 106 foizga, daromadlar 110 foizga, investitsiya ko'rsatkichlari 160 foizga va eksport hajmi 130 foizga yetdi. Shuningdek, tizim korxonalari davlat budjetiga 1,9 trln so'm soliq va majburiy to'lovlar o'tkazdi.
Geologiya-qidiruv va burg'ulash ishlari natijasida 2 mlrd kub metr tabiiy gaz va 40 ming tonna suyuq uglevodorod zaxiralari aniqlandi. Ikkinchi chorakda gaz zaxiralarini 5 mlrd kub metrga, suyuq uglevodorodlarni esa 100 ming tonnagacha oshirish rejalashtirilgan.
Aprel-iyun oylarida tabiiy gaz qazib olishni ko'paytirish dasturi doirasida 22 ta yangi quduq foydalanishga topshiriladi, 31 ta quduq kapital ta'mirlanadi va 21 ta texnik tadbir amalga oshiriladi. Ushbu choralar sutkalik gaz qazib olishni 6,7 mln kub metrga oshirish imkonini beradi.
Read “Zamin” on Telegram!
