Аргентина гранди «Бока Хуниорс» спорт директори лавозимига янги номни эълон қилди — клубнинг бу йўналишдаги ишлари энди Марсело Делгадо қўлида бўлади. Бу ҳақда euro-football.ru хабар беради.
Делгадо клуб президенти Хуан Рикельме билан яқин ҳамкорликда ишлайди. Собиқ «Барселона» футболчиси бўлган Рикельме билан тандем жамоага тезкор кучайтиришлар топиш ва таркибни мустаҳкамлаш вазифасини зиммасига олади.
Марсело Делгадо футболчилик фаолиятида ҳам катта тажрибага эга: у Аргентина терма жамоасида 1995–2002 йилларда 18 та учрашув ўтказган ва 1998 йилги жаҳон чемпионатида ҳам иштирок этган.
Делгадонинг яна бир ёдда қолган ютуғи — 2003 йилда Либертадорес кубогида энг сермаҳсул тўпурар бўлгани. У бу кўрсаткични «Сантос» ҳужумчиси, бразилиялик Рикардо Оливейра билан бирга қайд этган.
“Zamin”ни Telegram'да ўқинг!
